( سلام يا صاحبي )
كنت نايم يوم وبحلم بيكى كنت حاسس من جوايا انى هلاقيكى
شوفتك بالصدفة وكانت صدفة عجيبة شوفتك ونظرتلك نظرة حيرة
قولت هى دى الى حلمت بيها ولا لسة نايم وهصحى مش هلاقيها
فعلا حقيقة مش خيال حلمى الى كان محال اصبح قدامى فى الحال
حاولت اتكلم لاكن لسانى كان عاجز حاولت اتكلم لاكن حسيت ان بينى وبينك حاجز
مشيتى ومش عارف اقولك لا مشيتى وكان قلبى عليكى دق
بالصدفة لاقيتك فى نفس الكلية بالصدفة حسيت انك ليا
شوفتك وشوفت الدنيا ديا شوفتك وشوفت الحنية
قولت انا لازم بقى اتكلم مش هفضل كدة واجى عندك وابلم
نويت وقولت لازم اعمل حاجة روحت وقولت اى كلام فى اى حاجة
لاقيتك فاجئا بتتكلمى معايا والناس شايفاكى واقفة ويايا
كنت عايز اصرخ واقولك بحبك بصوت عالى كنت عايز اقولها واقولك فى حضنى تعالى
حسيتك اوووى وحلمت بيكى وحلمت بكل ما فيكى ولمسة اديكى
فاجئا وانا واقف لاقيت صاحبى جاى على قولت اعرفو بحب الدنيا ديا
لاقيتو سلم عليها الاول وقال اسمها قالى يا صاحبى دى بقى دنيتى
بصيت ليهم بصة فرح بدموع بصيت وقولت ارحمنى يارب
حلم حياتى هيضيع من قدامى وصاحب عمرى بيزود الامى
مبقتش اروح فين الدموع نزلت غصب عنى من العين
صاحبى قالى الدموع دى منين قولتلو لا دى طرفة عين
قالى طيب هنتمشى شوية واشوفك بعدين قولتلو روحو ومشيو هما الاتنين
شوفت اديها فى ادية شوفتو وانا صعبان على قلبى وانا وبتقطع علية
قولت لو مكنش صاحب عمرى مكنتش اديتو الفرصة ديا
قولت لو مش صاحب عمرى مكنش همنى الدنيا ديا
حسيت بجرح عمرى الى فات حسيت بالم بقلبى وهو بيقول اهات
بس رجعت وقولت هو احق منى بيها هو افضل منى ليها
حبيتهم هما الاتنين حب حقيقى هى حلم حياتى وهو صديقى
قولت لازم اكتم لسانى ومشاعرى ويايا وكانت بتقطع كل حتة جوايا
صدقونى مهما هموت واتعذب بنارى هفضل اخبى وعنكم وادارى
صدقونى هضحى ومش اى تضحية هضحى ومحبتى هتبقى مدارية
يا لو الاقى واحد زيك في يوم يا لو كان حلم ومنو حتى اقوم
يا لو مكنش صاحبى الى حبتية يا لو مكنش هو الى اختارتية
بس هرجع واقول هروح الفرح الى عزمتونى علية
هروح وهفرح وارقص ليكم ومن غير لية
هرقص وهيبقى قلبى بيموت من جواه هرقص واقول الفرح ياما حلاة
بعد ما مشيتو فضلت ساعة فى مكانى فضلت وحاسس انى مش هتحرك تانى
نزلت على ركبتى وبصيت للسما الى فوق وغسلت وشى يمكن اوفق
جم عليا الناس وكان نفسى افهمهم انى مش تعبان انى بحبى ليها كان قلبى مليان
بس من النهاردة مش هقول لحد على حالى صدقونى واللهى دا صاحبى عندى غالى
مش هبص ليكى نظرة شوق ولا غرام من جوايا هحس ان دا حرام
واحد مشفتش منو غير كل محبة وخير واحد لية محبة فى قلبى غير الغير
مبروك يا عروس مبروك يا عروسة مبروك وليكو فى قلبى ميت بوسة
حاجة اخيرة انا عايز اقولها ليكو انتو الاتنين ربنا يسعدكو من قلبى ومن العين
يارب نسهانى ونورلى دربى وفى الاخر احب اقولك
سلام يا صاحبى
موضوع: سلام يا صحبي....... 
